Halol javob — aprel va oktabr. Qolgan o‘n oy aslida qanday ekanini aytamiz.

Hamma «bahor yoki kuz» deydi va hamma haq. Ammo eng yaxshi safarlar mavsumlar orasida yashiringan, shuning uchun yilni o‘zimiz yashagandek aytamiz.

Mart

21-Navro‘zgacha sovuq, keyin birdan iliydi. Bayram haftasida har burchakda sumalak pishiriladi, bodom guli to‘kiladi, narxlar hali past.

Aprel–may

Yilning eng yaxshi olti haftasi. Hamma yoq yashil, yodgorliklarni istalgan soatda suratga olsa bo‘ladi, bozorda birinchi o‘riklar. Ayni shu paytda hamma keladi: xona va «Afrosiyob» chiptalarini uch-to‘rt hafta oldin oling.

Iyun–avgust

Kunduz soat uchda o‘ttiz sakkiz daraja. Kunni qayta tuzsangiz, chidasa bo‘ladi: yettida chiqing, o‘n birga qaytib keling, beshgacha hovlida, keyin yana kechgacha sayr. Xonalar arzon, tongda maydonlar sizniki.

Sentabr–oktabr

Bizning sevimli faslimiz. Jazirama sentabrning ikkinchi haftasida sinadi, qovunlar eng shirin paytida, oktabr yorug‘i koshinlarda — fotograflar shu uchun qaytadi.